नुवाकोटमा नेपाल कम्युनिष्ट पार्टी (नेकपा) ओली समूह र प्रचण्ड–नेपाल समूहबीच झडप भएको छ। प्रचण्ड–नेपाल समूहका कार्यकर्ताहरूले बट्टार क्याम्पस अगाडि उपप्रधानमन्त्री ईश्वर पोखरेल चढेको गाडीमा ढुंगामुडा गरेपछि दवै पक्षबीच झडप भएको हो।
यसअघि प्रचण्ड–नेपाल समूहका कार्यकर्ताले कालो झण्डा देखाउँदै मन्त्री पोखरेलको विरोध गरेका थिए। झडपमा प्रचण्ड–नेपाल समूहका तीनजना कार्यकर्ता सामान्य घाइते भएका छन्। ढुंगामुढापछि पोखरेलको गाडीमा सामान्य क्षति पुगेको छ।
ओली समूहले आयोजना गरेको कार्यक्रमलाई सम्बोधन गर्न उपप्रधानमन्त्री पोखरेल र उर्जामन्त्री टोपबहादुर रायमाझी नुवाकोट पुगेका छन्।
