पछिल्लो २४ घण्टामा देशभर थप १ सय ५९ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ७१ हजार ११८ पुगेको छ।
स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या २ हजार ४८९ रहेको छ।
पछिल्लो २४ घण्टामा थप २ सय ६४ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ६६ हजार ६०० पुगेको छ।
त्यस्तै हालसम्म कोरोनाका कारण ज्यान गुमाउनेको संख्या २ हजार २९ पुगेको छ।
