बाँकेमा ट्याक्टरले मोटरसाइकललाई ठक्कर दिँदा दुई जनाको मृत्यु भएको छ। शुक्रबार राती ८ बजेतिर तुलसीपुरबाट पश्चिमतर्फ जाँदै गरेको रा१त ३४४१ नम्बरको ट्रयाक्टरले पश्चिमबाट तुलसीपुरतर्फ आउँदै गरेको रा६प १४३४ नम्बरको मोटरसाइकललाई दंगिशरण–५ लौबस्ता भन्ने ठाउँमा ठक्कर दिएको हो।
मृत्यु हुनेमा दंगिशरण गाउँपालिका वडा नं.३ हेकुलीका २५ वर्षीय विवेक थापा र वडा नं.४ बैबाङका २६ वर्षीय दिनेश खड्का रहेका छन्।उनीहरु दुबै जनाको शुक्रबार राति उपचारका क्रममा बाँकेस्थित कोहलपुर मेडिकल कलेजमा मृत्यु भएको हो।
मोटरसाइकलमा सवार दंगिशरण–३ रातवगाउँका २४ वर्षीय आकाश कँडेल घाइते भएका छन्। उनको पनि कोहलपुरमा उपचार भइरहेको छ।
