पछिल्लो २४ घण्टामा देशभर थप ९९ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ७१ हजार ८०६ पुगेको छ।
स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या १ हजार ९५९ रहेको छ। पछिल्लो २४ घण्टामा थप २ सय ४८ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ६७ हजार ८१२ पुगेको छ।
यसैगरी हालसम्म कोरोनाले ज्यान गुमाउनेको संख्या २ हजार ३५ रहेको छ ।
