स्थानीय बजारमा आज पहेंलो धातुको मूल्य तोलामा २ सय रुपैयाँले घटेको छ। छापावाला सुन तोलामा ९० हजार ४ सय रुपैयाँमा कारोवार भएको छ। छापावाला सुन आइतबार तोलामा ९० हजार ६ सय रुपैयाँमा कारोवार भएको थियो।
नेपाल सुनचाँदी व्यवसायी महासंघका अनुसार तेजाबी सुन पनि तोलामा २ सय रुपैयाँले घटेको छ। ९० हजार १ सय ५० रुपैयाँमा आइतबार कारोवार भएको तेजाबी सुन आज ८९ हजार ९ सय ५० रुपैयाँ मूल्य निर्धारण भएको छ।
त्यस्तै चाँदी तोलामा पाँच रुपैयाँले बढेको छ। एक हजार ३ सय १० रुपैयाँमा आइतबार कारोवार भएको चाँदी आज तोलामा एक हजार ३ सय १५ रुपैयाँ मूल्य निर्धारण भएको छ।
