राष्ट्रिय महिला लिग फुटबल अन्तर्गतको खेलमा एपीएफले चौदण्डीगढी नगरपालिकालाई १४–० ले पराजित गरेको छ। अपराजित यात्रा कायम राख्ने क्रममा एपीएफले सोमबार चौदण्डीगढी फराकिलो अन्तरले हराएको हो।
एपीएफको शानदार जीतमा सावित्रा भण्डारीले ह्याट्रिकसहित ८ गोल गरिन्। त्यस्तै, अनिता बस्नेत र अनिता केसीले समान २–२ गोल गरे। कप्तान अनु लामा र रबिना गोलेले समान एक–एक गोल गरे।
यो लिगमा एपीएफको लगातार सातौं जीत हो। एपीएफले ७ खेलमा २१ अंक जोडेको छ। चौदण्डीगढीको यो लगातार सातौं हार हो। चौदण्डीगढी अंकविहीन बन्दै तालिकाको पुच्छरमा छ।
