ला लिगा क्लब एथ्लेटिको मड्रिडका फरवार्ड लुइस सुआरेजले क्रिस्टियानो रोनाल्डोको कीर्तिमान तोडेका छन्। सुआरेज २१ औं शताब्दीमा एकै क्लबको लागि छोटो समयमै धेरै गोल गर्ने खेलाडी बनेका छन्।
उत्कृष्ट लयमा रहेका सुआरेजले एथ्लेटिको मड्रिडको लागि १७ खेलबाट १६ गोल गर्दै उक्त कीर्तिमान बनाएका हुन्। यसअघि उक्त कीर्तिमान युभेन्टसका फरवार्ड रोनाल्डोको नाममा थियो। रोनाल्डोले सिजन २००९–१० मा रियल मड्रिडका लागि समान खेलबाट १५ गोल गरेका थिए।
एथ्लेटिकोलाई ला लिगाको शीर्षस्थानमा पुर्याउन सुआरेजले महत्वपूर्ण योगदान दिइरहेका छन्। बार्सिलोनाबाट निकालिएका सुआरेज हाल ला लिगाको सर्वाधिक गोलकर्ताको अग्रस्थानमा छन्।
