प्रधानमन्त्री केपी शर्मा ओलीले नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डलाई जनसमर्थन कस्तो हुन्छ हेर्न बुटवल आउन आग्रह गरेका छन्। शनिबार बुटवलमा ओली समूहलले आयोजना गरेको जनसभालाई सम्बोधन गर्दै ओलीले यस्तो आग्रह गरेका हुन्।
देशभरबाट जम्मा गरेको अलिकति मान्छे देखेपछि जनसभा हेर्न आऊ भनेर आफूलाई भनेको भन्दै उनले आज देशभरीको होइन, लुम्बिनी प्रदेशको वुटबलमा आयोजित सभा हेर्न आउन भनेका हुन्।
२८ माघमा काठमाडौंमा भएको प्रचण्ड–नेपाल समूहको जनसभामा प्रचण्डले नेकपा ओली समूहका अध्यक्ष ओलीलाई आमसभा कस्तो हुन्छ देख्नुभयो भनेर प्रश्न गरेका थिए।
संसद विघटनविरुद्ध आन्दोलनरत प्रचण्ड–नेपाल समूहले ९ माघमा आमसभा गरेको दिन ओलीले आमसभा कस्तो हुन्छ २३ गते देखाउने बताएका थिए। त्यहीअनुसार ओली समूहले २३ माघमा काठमाडौंमा शक्ति प्रदर्शन गरेको थियो।
