इन्डियन प्रिमियर लिग (आइपिएल) २०२१ का लागि साउथ अफ्रिकाका क्रिकेटर क्रिस मोरिस ठूलो रकममा राजस्थान रोयल्समा अनुबन्ध भएका छन्। उनी १६ करोड २५ लाख भारुमा राजस्थानमा अनुबन्ध भएका छन्।
त्यस्तै, अष्ट्रेलियाका आक्रामक ब्याट्सम्यान ग्लेन म्याक्सवेल रोयल च्यालेन्जर्स बेंगलोरमा अनुबन्ध भएका छन्। उनलाई १४ करोड २५ लाख भारुमा आरसीबीले किनेको हो।
मोरिसले आफ्नो न्यूनतम मूल्य ७५ लाख भारु राखेका थिए भने म्याक्सवेलले २ करोड तोकेका थिए। अष्ट्रेलियाका कप्तान स्मिथलाई दिल्ली क्यापिटल्सलले २.२ करोड भारुमा अनुबन्ध गरेको छ। स्मिथले न्यूनतम मूल्य २ करोड तोकेका थिए।
अष्ट्रेलिया ओपनर आरोन फिन्च, इंग्ल्यान्डका ओपनर एलेक्स हेल्स, वेस्टइन्डिजका इभिन लुइस अनसोल्ड भएका छन्। करुण नायर र हनुमा विहारी पनि अनसोल्ड भए।
