प्रधानमन्त्री केपी शर्मा ओलीले २–४ सिटमा सीमित हुने प्रचण्डलाई आफूले सिङजुरो होलिदिएपछि अहंकारी बनेको आरोप लगाएका छन्। विराटनगरमा शनिबार आयोजित सभालाई सम्बोधन गर्दै नेकपाका अध्यक्ष समेत रहेका ओलीले अब प्रचण्डको नियति असफलता बाहेक केही नहुने दावी गरेका हुन्।
ओलीले पहिले वैद्य (मोहन वैद्य)ले छाडेपछि डाक्टर (बाबुराम भट्टराई)को साथ पाएका प्रचण्डसँग अहिले झाँक्री (रामकुमार झाँक्री) रहेको जिकिर गरे। ‘अब झाक्रीले उहाँ (प्रचण्ड)लाई बचाउन सक्दैन,’ ओलीले भने।
२–४ सिटमा सीमित हुने प्रचण्डलाई ल्याएर फेरि एउटा जुरो हालिदिएको र फेरि सिङ हालिदिएको कथन प्रस्तुत गरे। ‘लामा सिङ भएपछि उहाँमा अहंकार चढ्यो, उहाँले हामीलाई नै सिध्याउँछु भन्न थाल्नुभयो, अब उहाँको नियति असफलता बाहेक केही हुन सक्दैन,’ उनले भने।
ओलीले त्यस्तो नहोस् भन्ने चाहेको जिकिर दोहोर्याउँदै अझै पनि फर्किन चाहे पार्टीमा स्थान दिने बताए। ‘उहाँ फर्किने बाटोमा हुनुहुन्न, भिडबाट लड्नेलाई राम भन्न सकिन्छ काँध हाल्न सकिन्न,’ ओलीले भने।
