स्थानीय बजारमा सुनको मूल्य तोलामा एक हजार १ सय रुपैयाँले उकालो लागेको छ। सोमबार स्थिर रहेको सुनको मूल्यमा एक हजार रुपैयाँभन्दा बढीले सुधार आएको हो।
नेपाल सुनचाँदी व्यवसायी महासंघका अनुसार सोमबार ८९ हजार ९ सय रुपैयाँ मा कारोवार भएको छापावाला सुन आज भने तोलामा ९० हजार १ सय रुपैयाँ मा कारोवार हुने गरी मूल्य निर्धारण भएको छ।
यस्तै तेजाबी सुन सोमबार तोलामा ८८ हजार ५ सय ५० रुपैयाँ मा कारोवार भएकामा आजका लागि भने ८९ हजार ६ सय ५० रुपैयाँ मा कारोवार भएको छ। तेजाबी सुनसमेत तोलामा एक हजार १ सय रुपैयाँले उकालो लागेको हो।
चाँदीको मूल्यमा समेत आज २५ रुपैयाँले वृद्धि भएको छ। तोलामा एक हजार ३ सय ३५ रुपैयाँमा सोमबार कारोवार भएको चाँदी आज भने एक हजार ३ सय ६० रुपैयाँ मूल्य कायम भएको छ।
