लगातार उकालो लागेको धितोपत्र बजारमा शेयर कारोवार मापक नेप्से परिसूचक आज भने दोहोरो अंकले ओरालो लागेको छ। लगानीकर्ताले भने आजको गिरावटलाई करेक्सनका रुपमा लिएका छन्।
हरेक दिन उचाइ कायम गर्दै नयाँ उचाइ बनाएको नेप्सेमा आज झण्डै २१.१६ बिन्दुले गिरावट आई दुई जार ५८६.५१ मा ओर्लेको छ। यस्तै, ठूला कम्पनीको शेयर कारोवार मापन गर्ने सेन्सेटिभ परिसूचक २.४१ ले घटेर ४६७.९४ मा ओर्लेको छ। कूल २०५ कम्पनीको एक करोड ७७ लाख १४ हजार ९१२ कित्ता शेयर आठ अर्ब ५६ करोड १५ लाख ३९ हजार ४२६ रुपैयाँ बराबरको कारोवार भयो।
नेप्सेमा आएको गिरावटसँगै बजार पूँजीकरणसमेत घटेको छ। आज कूल ३५ खर्ब ६४ अर्ब १० करोड ४३ हजार बराबरको बजार पूँजीकरण कायम भएको छ। कारोवार भएका कूल १२ उपसमूहमध्ये आज व्यापार उपसमूहबाहेक अरु सबै उपसमूहको शेयर आरालो लागेको छ। व्यापार २६.७३ बिन्दुले उकालो लाग्दा बैंकिङ ७.७२, होटल ३१.५८, विकास बैंक ३०.२७, जलविद्युत् १२.४७, वित्त ७.०१, निर्जीवन बीमा ५२.०४, उत्पादन ९५.९९, अन्य ५१.११, लघुवित्त ६.३२, जीवन बीमा २०.२ र सामूहिक लगानी कोष ०.१६ ले ओरालो लागेको छ।
केही दिन पहिले मात्रै कारोवारमा आएको नेपाल पूर्वाधार बैंकको शेयर आज शुरुवाती चरणमा १० प्रतिशतले सकारात्मक सर्किट लागेको थियो। पुनःसो कम्पनीको शेयरमा नकारात्मक सर्किट लाग्यो। सो कम्पनीको ७३ करोड ९४ लाख ५२ हजार ५१८ रुपैयाँ बराबरको कारोवार भई शीर्ष स्थानमा रह्यो।
यस्तै माथिल्लो तामाकोशी ४३ करोड ३९ लाख एक हजार ७७ रुपैयाँ, नबिल बैंक ३७ करोड ३५ लाख ५८ हजार ९६७ रुपैयाँ, एनआइसी एशिया बैंक ३२ करोड ८० लाख ५० हजार ३८१ रुपैयाँ, ग्लोबल आइएमई बैंक २९ करोड ६२ लाख ९२ हजार ५८ रुपैयाँ, नेको इन्स्योरेन्स २७ करोड ४९ लाख ६२ हजार ४५९ रुपैयाँ, नेपाल लाइफ इन्स्योरेन्स २६ करोड ५६ लाख सात हजार ८४५ रुपैयाँ, नेपाल पुनरबीमा कम्पनी २५ करोड ५६ लाख दुई हजार २३२ रुपैयाँ, नेपाल बैंक २४ करोड ६९ लाख ६७ हजार ८०५ रुपैयाँ र अपि पावर कम्पनी २३ करोड ४८ लाख १२ हजार ८०१ रुपैयाँ बराबरको कारोवार भई शीर्ष स्थानमा रहे।
कारोवारका आधारमा आज नेपाल फाइनान्स ९.९३, अपि पावरक म्पनी ९.६७, लिवर्टी इनर्जी ९.६५, हिमालयन पावर पार्टनर ९.५९, एनएलजी इन्स्योरेन्स ५.८२, चन्द्रागिरि हिल्स ५.७६, उन्नति सहकार्य लघुवित्त ५.०७, अरुण भ्याली हाइड्रोपावर ४.९४, रैराङ हाइड्रोपावरका लगानीकर्ताले ३.५६ प्रतिशतले कमाए।
त्यस्तै, पूर्वाधार बैंक १०, आँखु खोला जलविद्युत् कम्पनी ६.६७, युनिलिभर नेपाल ५.२८, एनएमबी ५० का लगानीकर्ताले ५.१८ प्रतिशतले गुमाउँदा पञ्चकन्या माई हाइड्रोपावर ४.६१, कर्पोरेट डेभलपमेन्ट बैंक ३.९८, खानीखोला हाइड्रोपावर ३.९१ र कर्णाली डेभलपमेन्ट बैंकका लगानीकर्ताले ३.८३ प्रतिशतले गुमाए।
