स्थानीय बजारमा आज सुनको मूल्य तोलामा ३ सय रुपैयाँले ओरालो लागेको छ। तोलामा नै एक हजार १ सय रुपैयाँले मंगलबार उकालो लागेको सुन आज भने झिनो अंकका साथ ओरालो लागेको हो।
नेपाल सुनचाँदी व्यवसायी महासंघका अनुसार छापावाला सुन तोलामा ८९ हजार ८ सय रुपैयाँमा कारोवार हुने गरी मूल्य निर्धारण भएको छ। छापावाला सुन मंगलबार तोलामा ९० हजार १ सय रुपैयाँमा कारोवार भएको थियो।
यस्तै तेजाबी सुन तोलामा ८९ हजार ३ सय ५० रुपैयाँमा कारोवार हुने गरी मूल्य निर्धारण भएको छ। तेजाबी सुन मंगलबार तोलामा ८९ हजार ६ सय ५० रुपैयाँमा कारोवार भएको थियो।
यस्तै चाँदी आज तोलामा १५ रुपैयाँले घटेको छ। एक हजार ३ सय ६० रुपैयाँमा मंगलबार कारोवार भएको चाँदी आज भने एक हजार ३ सय ४५ रुपैयाँ मूल्य निर्धारण भएको छ।
