पाकिस्तान सुपर लिग (पिएसएल)मा नेपाली लेग स्पिनर सन्दीप लामिछाने आबद्ध लाहोर कालन्दर्सले कराची किङ्सविरुद्ध आफ्नो चौथो खेल खेल्दैछ। खेल नेपाली समयअनुसार आइतबार साँझ ७ः४५ बजे शुरु हुनेछ।
लाहोरले लिगमा ३ खेल खेलिसकेको छ। तीमध्ये दुई खेलमा जीत र एक खेलमा हार बेहोरको छ। हाल लाहोर अंक तालिकाको तेस्रो स्थानमा छ। पिएसएलको ड्राफ्टबाट नबिकेका सन्दीपलाई लाहोरले अफगानि क्रिकेटर राशिद खानको ठाउँमा खेलाउने निर्णय गरेको हो।
राष्ट्रिय टिमको खेलमा राशिद व्यस्त हुने भएपछि सन्दीपले मौका पाएका हुन्। पिएसएल खेल्नका लागि सन्दीप पाकिस्तान गइसकेका छन्।सन्दीपले यसअघि सन् २०१९ मा पनि लाहोरबाट नै पिएसएल खेलेका थिए। उनले सात खेलमा ११ विकेट लिएका थिए। सन् २०२० मा भने उनले पिएसएल खेल्न पाएनन्।
