पछिल्लो २४ घण्टामा देशभर ६७ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या २ लाख ७४ हजार ३ सय ८१ पुगेको छ।
स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या ७६६ रहेको छ। पछिल्लो २४ घण्टामा थप ६२ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ७० हजार ६ सय ५ पुगेको छ।
त्यस्तै मन्त्रालयले नेपालमा कोरोनाका कारण मृत्यु हुनेको संख्या पुन:अद्यावधिक गरेको छ। नयाँ तथ्यांकअनुसार नेपालमा कोरोनाले ज्यान गुमाउनेको संख्या तीन हजार १० पुगेको छ।
