काठमाडौं मेयर कप–२०७७ एकदिवसीय क्रिकेट लिगमा काठमाडौं मेयर–११ ले बागमती प्रदेशलाई २ सय ४५ रनको बलियो लक्ष्य दिएको छ।
मुलपानी क्रिकेट मैदानमा पहिलो ब्याटिङको मेयर ११ ले निर्धारित ५० ओभरमा ९ विकेट गुमाउँदै २ सय ४४ रन बनायो। मेयर ११ को लागि कप्तान सन्दीप लामिछानेले विस्फोटक ब्याटिङ गरे। उनले २० बलमा ६ छक्का हान्दै ४२ रन बनाए।
त्यस्तै, सौरभ खनालले ५८ बलमा ४९ रन बनाए। उनले त्यसक्रममा एक छक्का र ६ चौका प्रहार गरेका थिए। त्यसैगरी सिद्धान्त लोहनीले ३४, विपिन कार्कीले ३२ ,सन्दीप रजलीले ३३ रनको योगदान दिए।
बागमतीको बलिङमा नन्दन यावदले ४ विकेट लिए। त्यस्तै, अरियो पौडेल र रामनरेश गिरीले समान २–२ विकेट लिँदा दिपेस श्रेष्ठले एक विकेट लिए।
