स्पेनिस क्लब बार्सिलोनाका नवनियुक्त अध्यक्ष जोन लापोर्टाले लियाेनल मेसी बार्सिलोनामा नै रहने आशय व्यक्त गरेका छन्। उनले मेसी क्लबमा रहुन् भन्ने सबैको चाहना भएको बताएका हुन्।
‘मेसी चुनावमा भोट गर्न आउनु आफैंमा सकरात्मक कुरा हो। विश्वकै उत्कृष्ट खेलाडी भोट गर्न आउनुले उनी क्लबलाई माया गर्छन् भन्ने प्रमाण हो,’ उनले भने।
‘२० वर्ष पहिले उनले बार्सिलोनाबाट डेब्यु गरेका थिए। मलाई आशा छ त्यो नै उनी बार्सिलोनामा बस्ने संकेत हो, जुन कुरा हामी सबैले चाहिरहेका छौं,’ उनले भने।
