पेरिसडाँडामा बसेको प्रचण्ड–नेपाल समूहको स्थायी समितिको बैठकले पूर्वएमाले र पूर्वमाओवादी केन्द्र अलग अलग भएर जाने निर्णय गरेको छ। सर्वोच्च अदालतले नेपाल कम्युनिस्ट पार्टी (नेकपा) को आधिकारिता ऋषिराम कट्टेललाई दिएपछि विकसित परिस्थितिबारे छलफल गर्न बैठक बसेको थियो।
अदालतले नेकपा एमाले र नेकपा माओवादी केन्द्रलाई ब्युँताइदिएपछि नेताहरु नै अन्यौलमा परेका छन्। प्रधानमन्त्री केपी शर्मा ओली र पुष्पकमल दाहाल ‘प्रचण्ड’को नेकपा खारेज भएको हो।
संसद् विघटनपछि प्रचण्डतिर लागेका पूर्वएमाले नेताहरु माधवकुमार नेपाल, झलनाथ खनाल लगायतले एमालेमै रहेर ओलीसँग लड्ने निर्णय गरेको बताइएको छ।
