नेकपा एमालेका दुई समूहको छलफल शुरु भएको छ। एमाले अध्यक्ष केपी शर्मा ओली र वरिष्ठ नेता माधवकुमार नेपाल पक्षबीच छलफल शुरु भएको हो।
ओली समूहबाट सुवासचन्द्र नेम्वाङ, ईश्वर पोखरेल, विष्णुप्रसाद पौडेल र प्रदीपकुमार ज्ञवाली पनि छलफलमा सहभागी छन्। वरिष्ठ नेता नेपालका तर्फबाट भीम रावल, सुरेन्द्र पाण्डे, घनश्याम भूसाल र रघुजी पन्त सहभागी रहेको एक नेताले बताए।
झण्डै चार महिनापछि प्रधानमन्त्री समेत रहेका ओली र वरिष्ठ नेता नेपालबीच आज भेट भएको हो। कात्तिक २५ गतेपछि दुई नेताबीच कुनै किसिमको संवाद भएको थिएन।
