नेपाल शैक्षिक परामर्श संघ (इक्यान) को टोलीले नेपालका लागि अष्ट्रेलियाली राजदूत फेलिसिटी भल्कसँग भेटवार्ता गरेको छ। नवनियुक्त राजदूत भल्कलाई इक्यानको तर्फबाट बधाई तथा शुभकामना दिइएको छ।
नेपाल शैक्षिक परामर्श संघ (इक्यान) का निवर्तमान अध्यक्ष विष्णुहरि पाण्डे, इक्यानका द्वितीय उपाध्यक्ष शेषराज भट्टराई, तृतीय उपाध्यक्ष कृष्णहरि केसी, महासचिव दीपकराज भूषाल र प्रथम सचिव बासुदेव दाहालले राजदूत भल्कसँग भेट गरेका हुन्।
भेटमा इक्यानका सदस्य आशिक कार्की र रत्नबहादुर भट्टराई तथा शालिकराम भण्डारी पनि सहभागी रहेका थिए। नवनियुक्त राजदूत भल्कलाई स्वागत गर्दै सफल कार्यकालका लागि उक्त टोलीले शुभकामना व्यक्त गरेको छ।
द्वितीय उपाध्यक्ष शेषराज भट्टराईका अनुसार राजदूत भल्कसँगको भेटमा नेपाल र अष्ट्रेलियाबीच रहिआएको पारस्पारिक सम्बन्ध, दुई देशको सहयोग आदानप्रदान एवं शैक्षिक गतिविधिमा केन्द्रित रहेर कुराकानी भएको छ।
उक्त अवसरमा राजदूत भल्कले नेपाल र नेपालीसँग मिलेर काम गर्ने चाहना व्यक्त गर्दै आगामी दिनमा दुई देशको सम्बन्ध अझै प्रगाढ हुने विश्वास व्यक्त गरेकी छिन्।
त्यसैगरी, अष्ट्रेलियामा अध्ययनरत नेपाली विद्यार्थीहरूलाई कोरोना प्रकोपका बेला पु¥याएको सहयोगका लागि इक्यानले राजदूत भल्कमार्फत् अष्ट्रेलिया सरकारलाई धन्यवाद ज्ञापन गरेको छ।
