सिताराम कट्टेल ‘धुर्मुस’ र कुञ्जना घिमिरे ‘सुन्तली’ को अभिनयमा ‘ओई मेरो परान’ बोलको गीत सार्वजनिक भएको छ। कलाकारद्वय धुर्मुस र सुन्तलीले निर्माण गरेको ‘म त मर्छु कि क्या हो’ वेव फिल्ममा समावेश उक्त गीत सार्वजनिक गरिएको हो।
‘ओई मेरो परान’ बोलको गीतको शब्द लोकराज अधिकारीले लेखेका हुन् भने गीतमा राजेन्द्र बजगाँइको संगीत रहेको छ। त्यस्तै, गीतलाई रचना रिमाल र भक्त प्रधानले स्वर दिएका छन्।
धुर्मुस–सुन्तलीको निर्देशनमा बनेको वेव फिल्म एक महिना भित्र विभिन्न ओटीटी प्लेटफर्मबाट रिलिज हुने बताइएको छ।
