युगान्डाकी गायिका दे क्वाप्टेन वियोन्स फमासीले नेपाली सांगीतिक क्षेत्रमा लोकप्रिय बनेको ‘फुलबुट्टे सारी’ गीतको कभर गाएकी छिन्। उनको स्वरमा २ दिनअघि सार्वजनिक भएको गीतले चर्चा बटुलिरहेको छ।
सामाजिक सञ्जाल टिकटकमा उनका स्वरका टुक्राहरु गुञ्जिरहेका छन्। गीतको भिडियोको छायांकन नेपालमा नै गरिएको हो। डिका गुरुङले निर्देशन गरेको भिडियोमा वियोन्सले नै अभिनय गरेकी छिन्। यो गीतलाई युट्युबमा २ लाख १६ हजार बढीले हेरिसकेका छन्। २४ हजारले लाइक गरेका छन्।
वियोन्सले भिडियोको सुरुवातमा विश्वका सबै मान्छेहरु र विशेष गरी नेपालीलाई गीत समर्पण गरेको बताएकी छिन्। वियोन्सले गाएको ‘फुलबुट्टे सारी’ सुनेपछि वरिष्ठ कलाकार मदनकृष्ण श्रेष्ठले उनको प्रशंसा गरेका छन्।
‘यी युगाण्डाकी गायीकाले सपक्क फुल बुट्टे लुगा नै लगाईवरी कभर गीतको रुपमा गायकी कति राम्रो, कति मीठो, राम्री पनि कति सुहाएको पनि उस्तै। आम्मामामा ...माम्मामामा बाब्बाबाबा... ओहोहोहो...,’ मदकृष्णले फेसबुकमा लेखेका छन्।
राजन राज शिवाकोटीको शब्द तथा संगीतलाई मार्मिक लामा, मिलन नेवा र मैले छुट्टा छुट्टै अलग अलग भर्शनमा गाएको गीत "फुल...
Posted by Madan Krishna Shrestha on Saturday, March 20, 2021
