प्रोफेशनल कम्ब्याट फाइट लिगमा प्रतिस्पर्धा गर्न नेपाली खेलाडी लाडी रबिन्द्र ढाँट क्षेत्री भारत गएका छन्। भारतको हरियाणामा हुने कम्ब्याट फाइट लिग खेल्न उनी भारत गएका हुन्।
प्रतियोगिता मार्च २८ देखि शुरु हुनेछ। रबिन्द्र एम्येच्योर फाइटमा २ पटक भारतको राष्ट्रिय च्याम्पियन बनेका नेपाली खेलाडी हुन्। उनी मिक्स मार्सल आर्टको भारतीय राष्ट्रिय च्याम्पियन पनि हुन्।
गैरआवसीय नेपाली संघ, खेलकुद प्रतिष्ठानसँग आबद्ध क्षेत्रीले नेपालकै प्रशिक्षणमा रही प्रतियोगिताको तयारी गरिरहेका थिए। २४ मार्चमा भारत प्रस्थान गरेका क्षेत्रीलाई एनआरएनए आईसिसीका उपाध्यक्ष सोनाम लामा, मध्य पूर्व उपसंयोजक मनोज कुमार श्रेष्ठ (गोर्खाली), सदस्यसचिव धर्मराज गिरी प्राविधिक निर्देशक शम्भुराज डंगोल, सचिवालय कार्यकारी निर्देशक राजेश राणालगायत स्पोर्टस एकेडेमी टिमले शुभकामनासहित बिदाइ गरेका थिए।
