नेपाली राष्ट्रिय क्रिकेट टिमले कीर्तिपुरमा त्रिककोणात्मक टी–२० सिरिज खेल्ने भएको छ। नेपाल क्रिकेट संघ (क्यान) ले शुक्रबार बजाज पल्सर त्रिदेशीय सिरिजको घोषणा गरेको हो।
त्रिकोणात्मक सिरिजमा नेपाल, नेदरल्यान्ड्स र मलेसियाले प्रतिस्पर्धा हुनेछ। टियु क्रिकेट मैदानमा हुने सिरिज बैशाख ४ देखि ११ गतेसम्म (अप्रिल १७–२४) हुनेछ ।
डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछ। नेपालले ओमानमा आइसिसी विश्वकप लिग–२ अन्तर्गत ओमान र अमेरिकासँग एकदिवसिय क्रिकेट प्रतियोगिता खेल्ने कार्यक्रम थियो। तर, कोरोना कहरका कारण स्थगित भएको थियो।
