त्रिभुवन आर्मी क्लब र किर्गिस्तान ओलम्पिक टीमबीचको मैत्रीपूर्ण खेल गोलरहित बराबरीमा सकिएको छ। आइतबार दशरथ रंगशालामा भएको खेलमा दुबै टोलीले गोल गर्न नसक्दा खेल बराबरीमा सकिएको हो।
खेलमा आर्मी क्लबले राम्रो पकड बनाए पनि गोल गर्न सकेन। नेपालकाे राष्ट्रिय टोलीमा देखिएको फिनिसिङको कमी विभागीय टिम आर्मी क्लबमा पनि देखियाे। खेलाडीहरूले केही राम्रा अवसर पाए पनि त्यसकाे सदुपयाेग गर्न सकेनन्। एएफसी कप २०२१ प्ले अफको तयारीमा जुटेको नेपाली सेनाको त्रिभुवन आर्मी क्लबले अभ्यास स्वरुप उक्त खेल खेलेको हो।
कीर्गिस्तानको ओलम्पिक टोली थ्री–नेसन्स कपको लागि नेपाल आएको थियो। समूह चरणको पहिलो खेलमा बंगलादेशसँग १–० गोलले पराजित कीर्गिज टोली दोस्रो खेलमा नेपालसँग बराबरी गर्दै प्रतियोगिताबाट बाहिरिएको थियो।
