महोत्तरीबाट हराएका सात बालिका/किशोरी भारतमा फेला परेका छन्। महोत्तरी भङ्गाहा नगरपालिका–८ धर्मपुरबाट हराएका उनीहरुको बिहारको सितामढीबाट उद्धार गरिएको हो।
मंगलबार दिउँसो घाँस काट्न गएका १० देखि १८ वर्षसम्मका सात बालिका÷किशोरी अपहरणमा परेका थिए। सबै बालिका/किशोरी सकुशल छन्।
धर्मपुरका १० वर्षीयाद्वय रञ्जना पासवान र सीमा पासवान, १३ वर्षीया ज्योति पासवान, १५ वर्षीयाद्वय रिया पासवान र रचना पासवान एवं १८ वर्षीयाद्वय नगिना पासवान र अस्मिता पासवान घाँस काट्न मंगलबार घरबाट निस्केका थिए।
प्रहरी र अभिभावकहरू अहिले भारत गइरहेका छन् र बाँकी अनुसन्धान जारी रहेको प्रहरीले बताएको छ।
