भारतमा गत २४ घण्टामा ५३ हजार ४ सय ८० जना थप व्यक्तिमा कोरोना संक्रमण देखिएपछि कूल संक्रमितको संख्या एक करोड २१ लाख ४९ हजार भन्दा बढी पुगेको छ।
सो अवधीमा कोरोना भाइरस संक्रमणबाट ३५४ जनाको मृत्यु भएपछि यहाँ कूल मृतकको संक्र एक लाख ६२ हजार ४ सय ६८ जना पुगेको केन्द्रीय स्वास्थ्य तथा परिवार कल्याण मन्त्रालयले बुधबार जानकारी दिएको छ।
कूल संक्रमितमध्ये पाँच लाख ५२ हजार ५ सय ६६ जना अहिले पनि संक्रमित अवस्थामै रहेका छन् भने एक करोड १४ लाख ३४ हजार ३०१ जना संक्रमणमुक्त भएका छन्।
भारतमा जनवरी १६ बाट कोरोना भाइरसविरुद्धको खोप अभियान शुरु भएको थियो। सो समयदेखि हालसम्म ६ करोड ३० लाख भन्दा बढीले खोप लगाइसकेका छन्।
त्यसैगरी कोरोना परीक्षण गर्ने क्रम पनि चलिरहेको भारतीय चिकित्सा अनुसन्धान परिषद्ले जानकारी दिएको छ। परिषद्का अनुसार सोमबारसम्म भारतमा २४ करोड ३६ लाख ७२ हजारभन्दा बढी व्यक्तिको कोरोना परीक्षण गरिएको छ। मंगलबार एकै दिनमा दश लाख २२ हजारभन्दा बढीको कोरोना परीक्षण गरिएको समाचारमा जानकारी दिएको छ।
