पछिल्लो २४ घण्टामा देशभर १ सय ६२ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या दुई लाख ७७ हजार ३०९ पुगेको छ।
स्वास्थ्य तथा जनसंख्या मन्त्रालयका अनुसार हालसम्म कोरोनाका सक्रिय संक्रमितको संख्या ९ सय ३६ रहेको छ। पछिल्लो २४ घण्टामा थप ५९ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या दुई लाख ७२ हजार ७ सय ८६ पुगेको छ।
नेपालमा कोरोनाका कारण पछिल्लो २४ घण्टामा कसैको पनि मृत्यु भएको पुष्टि भएको छैन।योसँगै नेपालमा कोरोनाले ज्यान गुमाउनेको संख्या तीन हजार ३० जना पुगेको छ।
