नेपाली कांग्रेसले भिडियो सन्देश जारी गर्दै मेलम्चीको पानीलाई काठमाडौंमा स्वागत गरेको छ। काठमाडौंको खानेपानी समस्या समाधान गर्न मेलम्चीको पानी ल्याउने उद्घोष गरेका कांग्रेसका तत्कालिन सभापति तथा पूर्वप्रधानमन्त्री कृष्णप्रसाद भट्टराईलाई स्मरण गर्दै कांग्रेसले मेलम्चीको पानी काठमाडौंसम्म ल्याउन भूमिका खेल्ने सबैलाई बधाइ तथा धन्यवाद व्यक्त गरेको छ।
कांग्रेसले सक्षम इञ्जिनियर, आर्थिक र भौतिक सहयोग गर्ने वैदेशिक हातहरु, परियोजनालाई निरन्तरता दिने सरकारहरु तथा कर्मचारीहरु, अहोरात्र कटिएका श्रमिकहरु, सुरुङ्ग निर्माणका क्रममा ज्यान गुमाएका इञ्जिनियर र श्रमिकहरु सबैको स्मरण गरेको छ।
