चीनको पूर्वी क्षेत्रमा यात्रुबाहक बस र ट्रक एकआपसमा ठाेक्किँदा कम्तीमा ११ जनाको मृत्यु भएको छ। आइतबार बिहान चीनको जियांसु प्रान्तमा भएको उक्त दुर्घटनामा अरु १९ जना घाइते भएका छन्।
उक्त दुर्घटना शेनयाङ–हाइकाओ राजमार्गमा भएको प्रहरीले जानकारी दिएको छ। तिब्र गतिमा रहेको ट्रक अनियन्त्रित भई सडकको बीचको बार भत्काएर अर्कोतर्फबाट आइरहेको बसमा ठोक्किएको थियो।
इतेहरुलाई नजिकका अस्पतालहरुमा भर्ना गरिएको छ। प्रारम्भिक अनुसन्धानमा यात्रुवाहक बस शांघाईबाट गुयानयुन काउन्टीतर्फ गइरहेको थियो। चीनमा यतिखेर मानिसहरु छुट्टी मनाउन घरगाउँतर्फ जाने गरेका छन्।
