मकवानपुरको भीमफेदी गाउँपालिकामा आगलागी हुँदा आज बिहान एक जना वृद्धाको मृत्यु भएको छ। वडा नम्बर–३ पारीपाखाको जंगलमा लागेको डढेलोले स्थानीय एक घरमा आगो लाग्दा ६९ वर्षीया हस्तमाया सिन्तानको मृत्यु भएको जिल्ला प्रहरी कार्यालयले जानकारी दिएको हो।
प्रितिबहादुर सिन्तानको घर र गोठमा डढेलोका कारण आगलागी हुँदा निजका श्रीमती हस्तमायाको मृत्यु भएको हो।
साथै उक्त आगलागीमा परेर उनको गोठमा रहेका १० खसीबाख्रा, अन्नपात र लत्ताकपडासमेत जलेर नष्ट भएको प्रहरीले जानकारी दिएको छ। जलेको शवको मुचुल्का गरी परीक्षणका लागि हेटौँडा अस्पताल पठाइएको बताइएको छ।
