नेपालमा पछिल्लो समय कोरोना भाइरसको संक्रमण तीव्र गतिमा तीव्र रुपमा फैलिरहेको सरकारी तथ्यांकले पुष्टि गरेको छ। पछिल्लो २४ घण्टामा थप १ हजार २८१ जनामा संक्रमण पुष्टि भएको स्वास्थ्य तथा जनसंख्या मन्त्रालयले पुष्टि गरेको हो।
७००१ जनामा गरिएको पीसीआर परीक्षणमा १२२७ र ५४७ जनामा गरिएको एन्टिजेन परीक्षणमा ५४ जना गरी १२८१ जनामा संक्रमण पुष्टि भएको हो।
योसँगै नेपालमा कोरोना संक्रमितको कुल संख्या दुई लाख ८५ हजार ९०० पुगेको छ । सक्रिय संक्रमितको संख्या ७२५४ रहेको छ। पछिल्लो २४ घण्टामा कोरोना भाइरस संक्रमणमुक्त हुनेको संख्या २५५ रहेको छ। कोरोना संक्रमणका कारण थप ८ जनाको मृत्यु भएको छ।
