नेपाली कांग्रेसका सभापति शेरबहादुर देउवाले पार्टी पदाधिकारी बैठक बोलाएका छन्। उनले दिउँसो २ बजेको लागि निजी निवास बुढानिलकण्ठमा बैठक बोलाएका हुन्।
बैठक १४ औं महाधिवेशनको तयारीका विषयमा केन्द्रित हुने देउवानिकट श्रोतले जानकारी दिएको छ। आजको बैठकले केन्द्रिय समिती बैठकको पनि एजेण्डा तय गर्ने बताइएको छ। सोमबार कांग्रेसको केन्द्रीय समिति बैठक बस्ने तय भएको छ।
समसामयिक राजनीतिक घटनाक्रम, जेठ ६ मा एक सिटका लागि हुने राष्ट्रिय सभा सदस्य उपनिर्वाचनलगायत विषयमा छलफल गर्न केन्द्रीय समिति बैठक बस्न लागेको हो।
कांग्रेसमा क्रियाशील सदस्यता वितरण तथा नवीकरण पनि चल्दैछ। अहिलेसम्म करिब ७ लाख कांग्रेसका क्रियाशील सदस्य भइसकेका छन्
