कोरोना सक्रमण बढेपछि सुर्खेतमा १ साता लकडाउन हुने भएको छ। मंगलबार मध्यरातिदेखि लागु हुनेगरी जिल्ला कोरोना संकट व्यवस्थापन समितिले लकडाउन गर्ने निर्णय गरेको हो।
संक्रमण फैलिँदै गएकाले जिल्लाभर निषेधाज्ञाको निर्णय गरिएको प्रमुख जिल्ला अधिकारी छविलाल रिजालले जानकारी दिए। उनले कोरोना नियन्त्रणभन्दा बाहिर जान थालेपछि लकडाउन गर्ने निर्णय गर्नुपरेको बताए।
निषेधाज्ञा अवधिभर एम्बुलेन्स, दमकल, शववाहन, सुरक्षाकर्मी र स्वास्थ्यकर्मीका गाडी मात्र सञ्चालन गर्न दिने बताइएको छ। जिल्लामा मात्रै तीन सय बढी सक्रिय संक्रमित छन्।
