पछिल्लो २४ घण्टामा देशभर थप ३ हजार ५५६ जनामा कोरोना भाइरसको संक्रमण पुष्टि भएको छ। यससँगै कुल संक्रमितको संख्या ३ लाख ३५ हजार ६१ पुगेको छ।
स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको पीसीआर परीक्षणमा ३४४२ र एन्टिजेन विधिबाट गरिएको परीक्षणमा १ सय १४ जनामा कोरोना पुष्टि भएको हो।
पछिल्लो २४ घण्टामा थप ३ सय ७८ जना कोरोना संक्रमणमुक्त भएका छन्। योसँगै नेपालमा कोरोना संक्रमण भएर निको हुनेको संख्या २ लाख ७७ हजार १ सय ५२ पुगेको छ।
त्यस्तै नेपालमा पछिल्लो २४ घण्टामा थप १२ जनाको कोरोना भाइरसको संक्रमणका कारण मृत्यु भएसँगै हालसम्म ३ हजार १ सय ७६ जनाले कोरोनाको कारण ज्यान गुमाएका छन्।
