ऊर्जामन्त्री टोपबहादुर रायमाझीलाई कोरोना संक्रमण भएको छ। कोरोना संक्रमण पुष्टी भएसँगै उनी छाउनीस्थित वीरेन्द्र सैनिक अस्पतालमा भर्ना भएका छन्। सोमबार गरिएको पीसीआर परीक्षणमा मन्त्री रायमाझीलाई कोरोना पुष्टी भएको हो।
साथै उनका परिवारका सदस्य तथा सचिवालयका केही सदस्यमा पनि कोरोना संक्रमण पुष्टि भएको छ। मन्त्री रायमाझीको स्वास्थ्य अवस्था सामान्य रहेको बताइएको छ।
