बलिउड फिल्म उद्योगमा फरक कथामा बनिरहेका चलचित्रले लगातार धुम मच्चाइरहेका छन्। पुरानो शैली, पुराना कथाभन्दा नयाँ कथाको खोजी गरी तयार गरिएका फिल्महरु बलिउडमा हिट भइरहेका छन्। यस्तोमा कलाकारहरु पनि फरक कथामा आधारित फिल्ममा काम गर्न रुची देखाउन थालेका छन्।
साउथ इण्डियन चलचित्रमा सफल अभिनेत्री हुन्, राकुल प्रित सिंह। बलिउड चलचित्रमा पनि उनको अभिनयले राम्रै चर्चा बटुलेको छ। हाल उनी नयाँ खालको कथामा आधारित चलचित्रमा काम गर्ने तयारीम छिन्। उनलाई नयाँ फिल्मका कण्डम परिक्षण गर्ने युवतीको रुपमा देख्न सकिने भारतीय सञ्चारमाध्यमले जानकारी दिएका छन्।
फिल्मको नाम भने खुलाइएको छैन। फिल्ममा राकुल ‘कन्डम परिक्षक’को भूमिकामा देखिनेछिन्। चलचित्रको कथा नियमितभन्दा फरक रहेको राकुलको तर्क छ। चलचित्र कण्डम उत्पादन गर्ने कम्पनीसँग सम्बन्धित हुने र कम्पनीले बजारमा आफ्नो उत्पादन पठाउनु अगाडि त्यसको परिक्षण गर्ने प्रक्रियालाई फिल्ममा देखाइनेछ।
