अमेरिकाको क्यालिफोर्नियामा एक युवकले आत्महत्या गरेका छन्। ती युवकले आत्महत्या गर्दा अर्की एक युवतीको पनि मृत्यु भएको छ। पहिचान नखुलेका ती युवक भवको ९ तलामाथिबाट हाम फालेका थिए।
९ तलामाथिबाट झरेका युवक बाटोमा हिँडिरहेकी युवतीमाथि खसेका थिए। ती युवकका कारण २९ वर्षकी टेलर काहलेको पनि मृत्यु भएको हो। युवतीको घटनास्थलमै मृत्यु भएको थियो भने युवकलाई अस्पताल लगेपछि डाक्टरले मृत घोषणा गरेका थिए।
अन्तर्राष्ट्रिय सञ्चारमाध्यमका अनुसार ती युवती बाटोमा आफ्नो प्रेमिसँग हिँडिरहेकी थिइन्। उनीहरु त्यस दिन चिडियाखाना गएका थिए र साँझ डिनरका लागि होटल जाँदै थिए। मृतक युवक को हुन् र किन आत्महत्या गरे भन्ने विषयमा प्रहरीले अनुसन्धान गरिरहेको बताइएको छ।
