जनता समाजवादी पार्टी (जसपा) ले प्रधानमन्त्री केपी शर्मा ओलीविरुद्ध आउने अविश्वासको प्रस्तावलाई समर्थन गर्ने भएको छ। जसपाको कार्यकारिणी समितिको बहुमत सदस्यहरुले यो निर्णय गरेका हुन्।
बैशाख १४ गते बसेको बैठकले नै उक्त निर्णय गरेको बताइएको छ। सोही दिन कार्यकारिणी समिति बैठक बसेको र बहुमत सदस्यले ओलीविरुद्ध आउने अविश्वासको प्रस्तावलाई समर्थन गर्ने निर्णय गरेको बाबुराम–उपेन्द्र पक्षको दाबी छ।
उक्त बैठकमा लुम्बिनी सरकारमा गएका चार प्रदेशसभा सदस्यलाई कारबाही गर्ने निर्णय भएको बताइएको छ।
