बिहारको बेगुसरायमा एक नाबालिकाको अपहरणपछि हत्या भएको छ। घटनामा संलग्नताको आरोपमा प्रहरीलाई दुईजनालाई पक्राउ पनि गरेको छ। गढहरा ओपीस्थित कील गाउकी १६ वर्षीया छिमेकीको बिवाहमा सरिक हुन गएको बेलामा अपहरणमा परेकी थिइन्।
यूवतीको परिवारले सोही दिन प्रहरीमा घटनाबारे उजुरी दिएका थिए। खोजीको क्रममा १८ अप्रिलको दिन गढहरा यार्डबाट यूवतीको शव बरामद भएको थियो। यूवतीको टाउकोमा ढुङ्गाले हानेपछी तेजाब छर्किएर हत्या गरिएको थियो।
२९ अप्रिलको दिन स्थानियले गढहरा यार्डस्थित स्टोर स्थलको एउटा कोठामा मृतक यूवतीको चप्पल र रगत लतपतिएको कपडा भेटेर त्यहा उपस्थित ३ जना यूवकलाई नियन्त्रणमा लिएर प्रहरीलाई बुझाएका थिए।
तीनमध्ये एक यूवकमा कोरोना पोजिटिभ भेटिएपछी उसलाई होम आइसोलेसनमा राखेर अन्य दुईलाई हिरासतमा लिएको थियो। प्रहरी सोधपुछको क्रममा उनीहरुले आफ्नो अपराध स्विकार गरेका छन्।
प्रहरीका अनुसार ६ जनाले मिलेर यूवतीको अपहरण गरेर खण्डहरमा लगि हत्या गरी शवलाई रेलवे यार्डमा फ्याकेका थिए। घटनामा संलग्न अन्य आरोपीहरुको खोजी भइरहेको प्रहरीले जानकारी दिएको छ।
