स्पेनिस ला लिगा फुटबलमा शनिबार बार्सिलोना र एथ्लेटिको मड्रिडबीच महाभिडन्त हुँदैछ।खेल शनिबार राति ८ बजे बार्सिलोनाको घरेलु मैदान क्याम्प नोउमा हुनेछ।
ला लिगा उपाधि भिडन्तमा यो खेलको नजिताले विशेष महत्त्व राख्दछ। उपाधि दाबेदार दुई टोलीबीचको यो खेल सिजनको अन्तिम प्रतिस्पर्धात्मक खेल हो। उक्त महाभिडनत अघि एथ्लेटिको मड्रिडका मिडफिल्डर साउन निगुजले बार्सिलोनाका कप्तान लियोनल मेसीको प्रशंसा गरेका छन्। उनले मेसीलाई इतिहासकै महान् खेलाडी भनेका हुन्।
‘मेसी फुटबल इतिहासकै महान् खेलाडी हुन्, यसमा कुनै शंका छैन। उनी अहिले मात्र हैन सर्वकालिन उत्कृष्ट फुटबलर हुन्,’ साउनले भनेका छन्। ‘रोनाल्डो जसरी मेहेनत गर्छन्, जस्तो छन् मलाई एकदमै मनपर्छ तर फुटबल जगतमा मेसीलाई कसैसँग तुलना गर्न मिल्दैन भन्ने मलाई लाग्छ,’ उनले भने।
