ब्राजिलियन स्टार फरवार्ड नेयमार जुनियरले आफूले विश्वकपको उपाधि जित्न चाहेको बताएका छन्। फ्रेन्च क्लब पिएसजीबाट व्यवसायिक फुटबल खेलिरहेका नेयमारले विश्वकप जित्नु आफ्नो जीवनको सबैभन्दा ठूलो सपना भएको बताएका हुन्।
‘म विश्वकप जित्न चाहन्छु,’ नेयमारले भने, ‘यो मेरो सबैभन्दा ठूलो सपना हो, तर म पिएसजीबाट पनि सबै कुरा जित्न चाहन्छु।’ ‘म अहिले लगभग ३० वर्षको भएँ र व्यक्तिगत हिसाबमा मेरो करियर अहिलेसम्म राम्रो रहेको छ,’ नेयमारले थपे।
त्यस्तै, नेयमारले रोनाल्डोसँग फुटबल खेल्न पनि चाहेको बताएका छन्। ‘म रोनाल्डोसँग खेल्न चाहन्छु,’ नेयमारले भनेका छन्, ‘मैले लियोनल मेसी केलियन एमबाप्पेजस्ता ठूला खेलाडीहरुसँग खेलिसकेको छु, तर अहिलेसम्म रोनाल्डोसँग खेलेको छैन।’
