प्रमुख प्रतिपक्षी दल नेपाली कांग्रेस, नेकपा माओवादी केन्द्र र जनता समाजवादी पार्टी (उपेन्द्र पक्ष)का नेताहरुको बूढानिकलकण्ठ बैठक सकिएको छ। बैठकले पछिल्लो राजनीतिक परिस्थिति आउनुमा विदेशी शक्तिको चलखेल भएको निश्कर्ष निकालेको छ।
तीन दलका नेताहरुले आगामी दिनहरुमा पनि सहकार्य र सहमतिमा अघि बढ्ने निर्णय गरेका छन्। बैठकमा अब केपी ओलीले संसद विघटन गर्न सक्ने आशंकाबारे पनि चर्चा भएको बताइएको छ।
कांग्रेस सभापति शेरबहादुर देउवाको निवासमा भएको छलफलमा सभापति देउवासहित माओवादी अध्यक्ष प्रचण्ड र जसपा अध्यक्ष उपेन्द्र यादव लगायतका नेताहरुको सहभागिता थियो।
ओलीको चाहना आफ्नो सरकारलाई बहुमत जुटोस् भन्ने भन्दा पनि बहुमत जुटेन भन्ने देखाएर संसद विघटन गरी मध्यावधि चुनावतिर जाने रहेको बंठकले आँकलन गरेको छ। नेताहरुको एमालेको माधव पक्ष र जसपा महन्थ ठाकुर पक्षले धोका दिएका कारण नयाँ सरकार बन्न नसकेको ठहर गरेको छ।
