राप्रपापाले राष्ट्रियसभा उपचुनावमा राम बहादुर थापा बादललाई समर्थन गर्ने जानकारी दिएको छ। शनिबार पार्टीका शिर्ष नेताहरुविचको बैठकमा यस बिषयमा सहमती जुटेको केन्द्रिय नेताले जानकारी दिएका छन्।
एमाले उम्मेदवार बादललाई सहयोग गर्न एमाले अध्यक्ष केपी शर्मा ओलीले राप्रपासँग सहयोग मागेको पार्टी अध्यक्ष कमल थापाले बैठकमा जानकारी गराएका थिए। एमालेले औपचारिक रुपमै पत्र पठाएर सहयोग मागेको खण्डमा बादललाई मत दिन राप्रपाका शिर्ष नेताहरु सहमत भएको श्रोतले बताएको छ।
यद्दपी राप्रपाले यसबारे औपचारिक निर्ण भने गरिसकेको छैन्। तर महामारीका कारण फेरि बैठक बस्न सम्भव नहुने भएकाले एमालेले औपचारिक आग्रह गरे भोट दिने सहमति भएको राप्रपाका एक नेताले जानकारी दिए।
वागमती प्रदेशतर्फको राष्ट्रियसभा सदस्यका लागि यही ६ गते उपचुनाव हुँदैछ। एमालेबाट बादल तथा विपक्षी गठबन्धनको तर्फबाट डा। खिमलाल देवकोटा उम्मेदवार छन्।
