अर्जेन्टिनी फुटबलर लियोनल मेसी र पोर्चुगलका स्ट्राइकर क्रिस्टियानाे राेनाल्डाे वर्तमान समयका उत्कृष्ट खेलाडी हुन्। बार्सिलोनाबाट व्यवसायिक फुटबल खेलिरहेका मेसी र युभेन्टसबाट व्यवसायिक फुटबल खेलिरहेका रोनाल्डो विश्व फुटबलमा सर्वाधिक धेरै तुलना हुने जोडी पनि हो।
मैदानमा मेसी र रोनाल्डो हाल पनि उत्कृष्ट प्रदर्शन गरिरहेका छन्। तर, बढ्दो उमेरसँग दुई खेलाडी खेलजीवनको अन्त्यतिर लम्किरहेका छन्। केही वर्षपछि नै मेसी र रोनाल्डोले फुटबलबाट सन्यास लिने पक्का छ। दुई खेलाडीले फुटबल मैदानमा नफर्किने गरी बिदा भएपछि उनीहरुलाई मानिसहरुले कसरी स्मरण गर्छन् होला?
यो प्रश्नको उत्तर मेसी र रोनाल्डो आफैंमा दिएका छन्। यूनिस्पोर्टलाई दिएको एक अन्तरवार्तामा मेसीले मानिसहरुले जसरी चाहन्छन्, त्यसरी नै आफूलाई सम्झिने बताएका छन्। ‘अन्त्यमा, सबैले सम्झिनेछन् र उनीहरुले जे चाहन्छन् त्यही सोच्नेछन्,’ मेसीले भनेका छन्, ‘र त्यो गर्नका लागि उनीहरु स्वतन्त्र छन्।’
त्यस्तै, लाइभस्कोर्ससँगको कुराकानीमा रोनाल्डोले आफूलाई मानिसहरुले महान् खेलाडीको रुपमा सम्झिने बताएका छन्। ‘मलाई आशा छ, मलाई उत्कृष्टमध्येको एक खेलाडीकोरुपमा सम्झिनेछन्, जो एकदमै मेहेनत गथ्र्यो,’ रोनाल्डोले भनेका छन्, ‘त्यो व्यक्ति जसले टिमलाई जिताउन आफ्नो सम्पूर्ण सामथ्र्य लगाउँथ्यो भनी खेल इतिहासको हिस्साका रुपमा मलाई सम्झिनेछन्।’
