नेपाली स्टार क्रिकेटर सन्दिप लामिछाने बुधबार राती फेसबुक लाइभमा आए। निकै चिन्तित मुद्रामा देखिएका लामीछानेले भिडियोमा निकै भावुक देखिएका थिए। कोरोनाका कारण दिनप्रतिदिन मुलुकको अवस्था जर्जर बन्दै गएको बेलामा नेपाललाई सहयोग गरिदिन सन्दिपले आग्रह गरे।
‘एकदमै अवस्था गम्भिर छ नेपाल,’ लामिछानेले भने, ‘सबैलाई एकअर्काको साथ चाहिएको छ।’ उनले यो समय सधैँ नरहने भन्दै बोले, ‘यो समय पनि टर्नेछ।’ सन्दिपले अहिलेको समय सबैले धैर्यता कायम राख्नुपर्ने बताए।
उनले फेसबुक लाइभबाटै सहयोगको लागि अपिल गर्दै भने, ‘मेरो आधिकारीक, ट्विटर, इन्स्टाग्राम, फेसबुकमा खाताको डिटेल छ क्षमताअनुसार सहयोग गरिदिनुस।’ सन्दिपले यसरी जम्मा भएको सहयोग रकम आवश्यकता भएका व्यक्तिहरुमाझ पुर्याउने प्रतिवद्दता जाहेर गरे।
