काठमाडौं – जोतिषी सुरेश चन्द्र रिजालले प्रधानमन्त्री शेरबहादुर देउवाका लागि आजको दिन विशेष कार्य शिद्धिको योग परेको बताएका छन् ।
प्रधानमन्त्री देउवाले आज संसदबाट विश्वासको मत लिने तयारी गरेपछि जोतिषी रिजालले शुभ समय पारेर विश्वासको मत लिएर विदेशी सम्बन्ध सुदृढ पार्नका लगि आजको दिन विशेष कार्य शिद्धिको योग परेको परेको बताएका हुन् ।
उनले भनेका छन्, ‘शक्तिको उपाशना गर्दै शक्तिशाली अवस्थामै रहँदै देश र जनताका भावना पूरा गर्नका लागि २७ गतेबाट सुरु भएको गुप्त नवरात्रअन्तर्गत आज नवमी तिथि सूर्य ग्रहकोबार आइतवार र तुला राशिमा चन्द्रमा भएको शुभ समय पारेर विश्वासको मत लिएर विदेशी सम्बन्ध सुदृढ पार्नकालगि आजको दिन विशेष कार्य शिद्धिको योग परेको छ । नेपालीले विश्वास गरेअनुसार नै अबको सरकारले काम गर्ने छ ।’
देउवा ७ पटक प्रधानमन्त्री हुने भविष्यवाणी गरेका जोतिषी रिजाल पछिल्लो समय चर्चामा छन् ।
सम्बन्धित समाचारः
प्रधानमन्त्री देउवाले विश्वासको मत पाउँलान् ? यस्तो छ संसदको अंकगणित
पुनःस्थानापछि संसद् बैठक बस्दै, विश्वासको मत लिने प्रधानमन्त्री देउवाको तयारी
