नेकपा एमालेको केन्द्रीय कमिटी बैठक आज पनि बस्दैछ ।
बैठक मंगलबार दिउँसो ३ बजेपछि तुलसीलाल प्रतिष्ठान भवन च्यासलमा बस्नेछ ।
सोमबार बसेको बैठकले नेपाली कांग्रेसका सभापतिसमेत रहेका प्रधानमन्त्री शेरबहादुर देउवालाई विश्वासको मत दिने २२ सांसदहरूसँग २४ घण्टे स्पष्टीकरण सोध्ने निर्णय गरेको थियो ।
सोमबार सोधिएको स्पष्टीकरणबारे आज निर्णय हुने एमाले केन्द्रीय कार्यालय सचिव शेरबहादुर तामाङले बताए । यसबाहेक विधान महाधिवेशनको तयारीका निम्ति समितिहरु घोषणा हुने सम्भावना रहेको छ ।
बैठकमा आज पनि वरिष्ठ नेता माधव कुमार नेपाल पक्ष सहभागी हुने छैन ।
