गैरआवासीय नेपाली संघ, अन्तर्राष्ट्रिय समन्वय परिषद् (एनआरएनए आइसीसी) को महासचिवमा डा. केशव पौडेलले उम्मेदवारी घोषणा गरेका छन् ।
एनआरएनए आइसीसीको आगामी कार्यकाल २०२१–२०२३ को लागि अमेरिकाबाट महासचिवमा पौडेलले उम्मेदवारी घोषणा गरेका हुन् ।
एनआरएनको अभियानमा २०१३ देखि संलग्न पौडेल २०१३–२०१५ कार्यकालमा एनआरएनए एनसीसी अमेरिकाको सल्लाहकार भएका थिए । उनी २०१५–२०१७ र २०१७–२०१९ मा एनआरएनए एनसीसी अमेरिकाको अध्यक्ष भएका थिए ।
नेपालको तनहुँमा जन्मेर काठमाडौंको टिचिङ हस्पिटल महाराजगञ्जबाट एमबीबीएस गरेका डा पौडेलले अमेरिकाबाट मेडिकल डाक्टर डिग्री (एमडी) अनि एमबीए समेत गरेका छन् ।
विद्यार्थी जीवनदेखि नै राजनीतिमा सक्रिय पौडेल हाल कांग्रेसको भातृ संगठन नेपाल विद्यार्थी संघको केन्द्रीय सदस्य छन् ।
