विवेकशील साझा पार्टीले प्रधानमन्त्रीको सरकारी निवास बालुवाटारमा चियापान, खाजा, नास्तालगायतका शिर्षकमा भएको खर्च विवरण माग गरेको छ।
आइतबार अर्थात् आज विवेकशील साझा पार्टीका पुकार बम, हरीश भट्ट र रन्जन कार्कीले संयुक्त रुपमा सुचनाको हकको प्रयोग गरि प्रधानमन्त्री कार्यालय सिंहदरवारमा विज्ञप्ति बुझाउँदै २०७४ फागुन ३ गते देखि २०७८ असार २९ गतेसम्म बालुवाटारमा चियापान, खाजा, नास्तालगायतका शीर्षकमा भएको खर्च विवरण माग गरेका हुन्।
सुचनाका लागि पेश गरिएको निवेदनमा भनिएको छ, ‘२०७४ फागुन ३ गते देखि २०७८ असार २९ गतेसम्म (केपी ओली सरकार रहँदा) को अवधिमा चियापान, खाजा, नास्ता लगायत कुन शीर्षकमा बालुवाटारमा अवस्थित अवस्थित उहाँको सरकारी निवाससले कति खर्च गर्यो? यसको पुर्ण विवरण उपलब्ध गराइदिनुहोला।’
उक्त अवधिमा प्रधानमन्त्री केपी शर्मा ओली थिए। उक्त अवधिमा प्रधानमन्त्रीको सरकारी निवास बालुवाटारमा चियापान, खाजा, नास्तालगायतका शीर्षकमा ४ करोड बढी खर्च भएको भन्दै प्रधानमन्त्री तथा मन्त्रिपरिषद्को कार्यालयमा बिल पेश भएको बताइएको छ।
विवेकशील साझाले सुचनाको हकको प्रयोग गरि पुर्वप्रधानमन्त्री तथा एमाले वरिष्ठ नेता झलनाथ खनाललाई सरकारले उपचारका लागि उपलब्ध गराएको खर्च विवरण पनि माग गरेको छ।
